Max Allegri nuk kërkon alibi pas shembjes së bujshme të Juventusit të tij kundër Napolit: "Ata bënë një ndeshje të bukur, ne ishim disi të shkarkuar nga energjitë - tha trajneri i Juventusit për Dazn -. Pësuam 2-0 në momentin tonë më të mirë. Futbolli është edhe ky, shpesh ka të paktën një ndeshje në vit si kjo. Tani duhet të ngrihemi në këmbë dhe të rikuperojmë, sepse kampionati është ende i gjatë. Dukej se mund të pësonim gol në çdo moment. Ishte një humbje e merituar, edhe pse pësuam gola nga situata lehtësisht të lexueshme. Kur bën gabime të caktuara në këto ndeshje, është e vështirë të mos pësosh gola."
Max Allegri përpiqet të shikojë përpara: "Nuk duhet të hedhim poshtë gjithcka, sepse kemi ardhur nga 8 fitore radhazi. Duhet të rikthehemi në atë rrugë. Janë mbrëmje që ndodhin. Ndodhi kundër kryesuesve, që janë aty me meritë. Si në të gjitha situatat negative, duhet të përpiqesh të gjesh aspektet pozitive".
Analiza taktike shpejt i la vendin konsideratave më të hidhura: "U ulëm shumë, gjërat më të mira i bëmë kur dolëm lart me Chiesa në të majtë. Megjithatë më vjen të qesh, sepse ishte një mbrëmje në të cilën të gjithë topat mbetën aty dhe gjithmonë shkonin tek ata. Por kjo nuk është rastësi, ishim pa energji”.
Në fund, një koment për faktin se kolapsi i Napolit përfaqësoi ndeshjen e fundit të epokës së Agnelli te Juve: “Më vjen keq për të, kam kaluar vite të mrekullueshme. Ai ka pasur një cikël të papërsëritshëm, por tani duhet të shikojmë përpara dhe mendojmë për qëllimet e radhës”.
