Një sasi lëndë plasëse ka shpërthyer mbrëmjen e së mërkurës në Sarandë në lagjen nr.4. Lënda plasëse është vendosur në garazhin e hotelit në pronësi të Mariel Muratit, ish-Drejtor i ALUIZNI-t Sarandë dhe aktualisht Drejtor i FSDKSH (Fondi i Sigurimit të Detyrueshëm të Kujdesit Shëndetësor) në Sarandë.
Mësohet se rreth 10 persona janë marrë në pyetje nga policia e Sarandës gjatë natës, kryesisht dëshmitarë në vendin e ngjarjes gjatë momentit të shpërthimit në hotelin e Muratit. Nga dëshmitë, ende nuk ka asnjë të dyshuar për ngjarjen. Ndërkaq burime pranë grupit hetimor bëjnë me dije se kamerat e hotelit kanë qenë jashtë funksionit në momentin e ngjarjes duke vështirësuar punën e policisë, e cila është detyruar të sekuestrojë kamerat e bizneseve dhe banesave përreth vendit të ngjarjes.
