Këtë javë në emisionin “Talking Europe” në France 24 ka qenë i ftuar kryeministri Edi Rama që i dha një intervistë gazetarit Luke Brown gjatë takimit të liderëve BE-Ballkani Perëndimor në Bruksel.
Francë 24 thotë se “Rama është bërë gjithnjë e më i frustruar nga mungesa e progresit në ofertën e anëtarësimit të vendit të tij në BE”.
“Fillimisht kërcënoi se nuk do të vinte në takim, pastaj duke njoftuar pjesëmarrjen por sipas tij procesi po "merrej peng" nga vetoja bullgare mbi procesin e pranimit të vendit të tij dhe Maqedonisë së Veriut.
Në intervistë Rama tha se “nuk është se Shqipëria ka bërë progres të ngadaltë drejt BE-së, por se BE-ja është ngadalësuar shumë drejt së ardhmes së saj”; megjithatë ai thotë se nuk është më "i frustruar", por më tepër i trishtuar nga dështimi i BE-së për të "përmbushur premtimin e dhënë Shqipërisë dhe Maqedonisë së Veriut".
Rama vazhdoi duke e përshkruar statusin e kandidatit në BE si "një lloj pilula antidepresive" për të rritur moralin e vendeve. ©LAPSI.al
