Burime pranë prokurorisë së Korçës bëjnë të ditur se pista kryesore ku janë përqendruar hetimet për vrasjen e 29-vjeçarit, mbetet trafiku i lendeve narkotike. Grupi hetimor ka dyshime të forta se Mukja ishte pjesë e një grupi qe transportonte lëndë narkotike drejt Greqisë. Përfshirja e viktimës në rrjetin ndërkombëtar të narkotikeve u zbulua nga përgjimet disa mujore të prokurorisë se Korçës. Prokuroria nisi hetimet pas zhdukjes se 29-vjeçarit.
Xhaxhai i 29-vjeçarit Mukaj i kërkon policisë të zbulojë autorët e këtij krimi të rëndë, ndërsa ka mohuar faktin që nipi i tij të ketë lidhje me drogë apo punë të tjera.
“Nuk ishte djalë që të ngatërrohej me punë të pisëta. Ai ishte i mbyllur, nuk hapej me njeri, ishte shumë i qetë dhe skishte nevojë të merrej me drogë sepse i dërgonte babai lek nga Amerika. Në qershor i dërgoi babai 5000$, merrte pensionin e babait 200 mijë në muaj, dhe në tetor para së të humbte kontaktet i sollën 700$”, u shpreh xhaxhai.
