Fituesi i Eurovision 2022 është Ukraina. Hyrja e këtij viti në Eurovision nga ukrainasit ishte një kënga që artisti Oleh Psiuk ia kushton si një odë të ëmës së tij, por që tani shumë njerëz kanë filluar ta shohin atë si një dedikim për Ukrainën.
Mbrëmja e natës finale të Eurovision është hapur me një mesazh kundër luftës ku qindra muzikantë kënduan “Give Peace a Chance” në qendër të Torinos, duke iu referuar luftës në Ukrainë.
Në garë për çmimin ishin 25 shtete. Në gjysmëfinalen e parë 10 vendet që u kualifikuan ishin Zvicra, Armenia, Islanda, Lituania, Portugalia, Norvegjia, Greqia, Ukraina, Moldavia dhe Holanda, ndërsa 5 vendet Franca, Italia, Anglia, Gjermani dhe Spanja shkojnë automatikisht në finale. Në gjysmëfinalen e dytë u zgjodhën edhe 10 shtetet e tjera finaliste që janë Australia, Azerbajxhani, Belgjikë, Ceki, Estoni, Finlandë, Poloni, Rumani, Serbi dhe Suedia.
Shqipëria nuk ia doli që të ishte një ndër finalistet, pasi kënga e Ronela Hajatit "Sekret" nuk u kualifikua në finalen e kompeticionit më të madh muzikor europian.
