Lideri historik i demokratëve, Sali Berisha ka udhëtuar pasditen e kësaj të shtune drejt Fieri në kuadër të zgjedhjeve për kryetar të Partisë Demokratike. Pasi zbriti nga makina, ish-kryeministri është pritur mes ovacionesh nga demokratët.
Gjatë fjalës së tij, Berisha këtë mbledhje e ka nisur me akuza ndaj ish-kryetarit Lulzim Basha duke thënë se ai merrte vendime autokratë.
“Opozita e vërtetë bazohet në votën e lirë kurse Lulzim Basha shkelmoi statutin e PD-së. Vendi kjaloi një moment kritik të pluralizmit por sot dalim përpara shqiptarëve si opozitë e vërtetë. Liria parimi bazë i demokracisë, dua t’u premtoj zero tolerancë ndaj prekjes së votës. Mbrojmë interesat e qytetarëve”, tha Berisha në fillim të fjalës së tij.
Ndërkohë rivali i tij për kreun e PD-së, Ibsen Elezi zhvilloi një takim mëngjesin e sotëm në qytetin e Kukësit.
