Protesta paqësore, e njoftuar një ditë më parë nga PD, pas vdekjes së të riut Ilvi Meta në komisariatin e Kavajës ka nisur. Përpara kryeministrisë në Tiranë dhe para gjithë komisariateve të vendit, qytetarë me qirinj në duar po protestojnë në mënyrë të heshtur. Tubimit në Tiranë i është bashkuar edhe ish-kryeministi Sali Berisha. Duke iu referuar dhe ngjarjes së rëndë, ish-kryeqeveritari Berisha ka hedhur akuza ndaj qeverisë dhe policisë.
“Çdo qytetar i këtij vendi që shoqerohet në komisariatet e policisë, ai ka të garantuar me ligj, jetën paprekshmërinë dhe dinjitetin e tij. Kjo është për çdo vend të lirë kurse në Shqipëri, është një seri tragjike të rinj të cilët hyjnë shkojnë në qeli të shoqëruar dhe dalin me arkivol. Rasti i fundit i Ilvi Metës dëshmon fytyrën e vërtetë të shtetit shqiptar. U shoqrua nnë qeli dhe brenda disa orëve del nga komisariati me arkivol.Unë ju garantoj juve se shkaku themelor i këtyre vdekjeve, vrasjeve apo vetëvrasjesve në qeli të cilat në të dy rrethanat janë shtetërore, shkak më më kryesor është rekrutimi në policinë e shtetit i pengmarrësve trafikantëve, përdhunuesëve dhe vrasësve ordinerë”, tha Berisha.
