Një aksident i rëndë është regjistruar mesditën e së mërkurës, në qendër të qytetit të Shkodrës. Sipas raportimeve të para nga vendngjarja, një mjet është futur me shpejtësi në rrethrrotullim dhe ka përplasur 4 makina të tjera për t’u larguar më pas nga vendngjarja.
Mësohet se nga përplasja disa persona kanë marrë plagë të lehta dhe janë dërguar në spital për të marrë ndihmën e parë. Ndërkohë që policia ka shkuar në vendin e ngjarjes dhe po punon për identifikimin e personit që shkaktoi aksidentin.
