Duke folur për gazetarët jashtë parlamentit, Sali Berisha kërkoi largimin e ambasadorit rus nga Tirana dhe tërheqjen e ambasadorit tonë në Moskë.
"Kërkoj largimin e ambasadorit rus nga Tirana dhe tërheqjen e ambasadorit shqiptar nga Moska. Zvogëlimin në maksimum të të gjitha marrëdhënieve politike e diplomatike me Rusinë, si një dëshmi e një qëndrimi të papajtueshëm me këtë agresor ndaj një vendi të lirë. Dhe njëherë shpreh solidaritetin më të madh, simpatinë më të thellë, për Ukrainën, Presidentin, popullin e saj. Lavdi Ukrainës’, tha Sali Berisha në fjalën e tij.
Po kështu ish-kryeministri i bëri thirrje qeverisë të rikthejë regjimin e vizave për rusët që kërkojnë të hyjnë në Shqipëri për turizëm. Ditë më parë kryeministri Rama tha se nuk do të ndërmerret ky veprim. ©LAPSI.al
