Një plagosje me armë zjarri ka ndodhur sot në Durrës.
Në lagjen 'Sefer Efendiu' është plagosur një punëtor 43-vjeçar, i cili ka marrë një plumb në këmbë.
Mësohet se autori i ngjarjes është shtetasi Augert Zera 35 vjeç, i cili ka plagosur me armë shtetasin Altin Sulku 43 vjeç.
Tre punëtorë kanë qenë duke punuar dhe folur mes njëri-tjetrit dhe në një moment kur Augert Zera ka zbritur nga banesa e tij për t’u kërkuar të mos bëjnë zhurmë. Aty ka nisur konflikti.
Një prej punëtorëve, konkretisht Altin Sulku e ka goditur 3 herë me lopatë e më pas konflikti ka precipituar me nxjerrjen e armës.
Zera më pas ka marrë pistoletën dhe i ka qëlluar në këmbë. Pas krimit ai ia ka mbathur, ndërsa policia njofton se po vijon punën intensive për kapjen e tij.
