Shkrimtari dhe publicisti Fatos Lubonja ka komentuar në një intervistë për Neës 24 zgjedhjet në Francë, ku Macron u konfirmua sërish si president. Lubonja thotë se influenca e Le Pen po rritet duke treguar se Europa po dështon.
Por Lubonja thotë se me Macron në krye të Francës, Shqipëria dhe Maqedonia e Veriut si më të rrezikuara nga influencat ruse, mund të futen më shpejt në BE.
“Zgjedhjet në Francë treguan se e djathta ekstreme është shqetësim në rritje. Le Pen fitoi vetëm në periferi. Në perëndim të majtat kanë qenë më të fuqishme. Po t’i shtojmë edhe BREXIT në Britani, ishte një ndeshje mes këtyre dy zonave.
E majta ka qenë për një sistem tjetër dhe nuk ka ndërtuar dot një qasje tjetër. E djathta ka disa pika të forta që janë te konservatorizmi, që e shohim se është i fortë. E majta nuk e ka nacionalizmin.
Macron e ka si pikën e tij më të fortë, ka ndryshuar shumë qëndrime, por një se ka ndryshuar, idenë e Europës. Le Pen ishte më nacionaliste, por edhe ajo kërkon ndryshimin e Europës. Macron mund të konsiderohet progresist në krahasim me konservatorët.
Fjala progres është pak e dyshimtë, duhet të dimë se çfarë të themi. Për mua është progres. Për rajonin, për vende si Shqipëria, Maqedonia që mund të jenë të rrezikuara nga influencat ruse, mund t’i shpejtohet një lloj futjeje brenda, më shumë se sa nga Le Pen, e cila i lë më jashtë duke qenë se është dhe anti-emigracion.
Është mundësi më shumë për ne. Kontradiksionet do mbeten, pasi është problem i madh se pse po rritet Le Pen, se po dështon Europa. S’jam optimist se Europa e Macron do të jetë e suksesshme. Kjo ishte fitore e kësaj ideologjie dominate.
Por përtej kësaj mbetet problem i një Macroni që e ka harruar fare të majtën dhe po ia merr këta votues Le Pen. Ne jemi diçka e mesme, që Europa e fut gjeopolitikisht, por nuk futesh dot organikisht. Ne kemi ende probleme, pasi jemi një vend ku nuk ka ende zgjedhje të lira dhe të ndershme”, - tha Lubonja. ©LAPSI.al
