Bajram Tusha, 72 vjeçari që akuzohet për abuzim seksual me një 17-vjecare në Sarandë ka shkelur masën e sigurisë të arrestit shtëpiak. Forcat blu kanë konstatuar se është larguar nga banesa ku qëndronte. Njoftohet se specialistët e Hetimit të Krimit në Komisariatin e Policisë Sarandë kanë referuar materialet në Prokurorinë pranë Gjykatës së Shkallës së Parë Sarandë, për veprën penale “Largimi i të burgosurit nga vendi i qëndrimit”, në ngarkim të Tushës.
Më 16 nëntor të vitit 2020, Gjykata e Sarandës zëvendësoi akuzën nga marrëdhënie seksuale me të mitur, në ngacmim seksual në të mitur dhe ka zëvendësuar masën e sigurimit për të nga “Arrest ne burg” ne “Arrest ne shtepie”.
