Nga Shkodra, Lulzim Basha foli edhe për të ardhmen e tij politike, tani që nuk ka më drejtimin e PD.
Sipas Bashës, sot janë kohë të vështira, ndaj tha se e ardhmja e tij do të jetë njësoj si e ardhmja e çdo shqiptari.
Basha u shpreh se në çdo kohë ka mbrojtur interesat e demokratëve dhe këtë do vazhdojë ta bëjë sërish. Pranoi se ka gabuar, por u shpreh se nuk ka bere asnjë faj.
Pyetje: Kush do jetë e ardhmja juaj, parti jo president jo?
"E ardhmja ime është e ardhmja ime, është e ardhmja e përditshme e çdo shqiptari për të qëndruar fort për të vërtetën, për vlera dhe parimet. Është kohë e vështirë, është kohë me kosto të lartë. Është e vështirë dhe jo më në një shoqëri që ka 30 vjet pluralizëm.
Është e vështirë për qytetarët dhe për politikën. Unë kam bërë shumë gabime, kjo është njerëzore, por faj nuk kam bërë. Kam mbrojtur interesat e demokratëve. Duke bërë këtë shumica e heshtur e demokrateve do ta përqafojnë këtë kulturë të re politike." - u shpreh ish-kryetari i PD-së.
