Autoritetet e qytetit ukrainas të Mariupolit njoftuan se ushtria ruse bombardoi të shtunën një shkollë ku ishin strehuar 400 njerëz.
Zyrtarët deklaruan se ndërtesa është shkatërruar plotësisht dhe se njerëzit ndodhen nën rrënoja.
“Gra, fëmijë dhe të moshuar ishin në shkollë. Nuk ka ende informacion për numrin e viktimave”, - thanë zyrtarët përmes një njoftimi në rrjetin Telegram.
BBC që raporton lajmin thotë se është shumë e vështirë që informacionet të verifikohen në mënyrë të pavarur pasi komunikimi me qytetin e Mariupol është tepër i vështirë.
Ky qytet ka disa javë i rrethuar nga forcat ruse të cilat kanë ndërprerë edhe energjinë dhe ujin e pijshëm për pjesën më të madhe të qytetit. ©LAPSI.al
