Sekretari i Përgjithshëm i Partisë Socialiste, Damian Gjiknuri deklaroi gjatë Komisionit Hetimor për Inceneratorët se Mirel Mërtirin njërin prej personave të përfshirë në çështjen e djegësave e njeh vetëm si fytyrë.
Por Partia Demokratike ka publikuar një video nga deklarata e Gjiknurit në Komision, përballë një deklarate të dhënë në Parlament ku dëgjohet që thotë “atë e njoh që në shkollë unë”.
PD pretendon se kjo deklaratë ka të bëjë me njohjen e Damian Gjiknurit me Mirel Mërtirin. Partia Demokratike pretendon gjithashtu se Damian Gjiknuri i ka dhënë shoqërisë Albtek Energy një leje minerare në Bradashesh me kohëzgjatje mbi 25 vite.
“Me firmën e Damian Gjiknurit i është dhënë Leje Minerare në Përvallë shoqërisë së Stela Gugallja, Mirel Mërtiri, Klodian Zoto, Ilir Dedja dhe Loran Dusha. Leja minerare me firmën e Damian Gjiknurit, shoqërisë së Inceneratorit të Elbasanit, në pronësi të shtetases Stela Gugallja, person i shpallur në kërkim ndërkombëtar.
Jorida Tabaku zbardhi lidhjet e shumëfishta të Damian Gjiknurit me pronarët e inceneratorëve: kontratë konçesionare, mbi 15 udhëtime, leje minerare” – thuhet në njoftimin e PD-së. ©LAPSI.al
[video width="480" height="264" mp4="https://cdnimpuls.com/lapsi.al/wp-content/uploads/2022/02/WhatsApp-Video-2022-02-22-at-19.56.45-1.mp4"][/video]
