Sekretari i përgjithshëm i Kryeministrisë, Engjëll Agaçi është duke dëshmuar ditën e sotme para Komisionit Hetimor për Inceneratorët.
Agaçi në këtë komision tha se nuk ka njohje dhe nuk i ka takuar asnjëherë biznesmenët në kërkim, Mirel Mërtiri, Klodiana Zoto dhe Stela Gugalljan. Disi e habitshme në fakt pasi një koncension me vlerë 430 milionë euro nuk mund t'i jepet rastësisht një personi apo kompanie pa njohje në rrethet e larta të vendimmarrjes. Sidoqoftë dëshmia e Agacit nuk mud të paragjykohet apriori. Ndoshta ai vërtet s'ka njohje me bossët e inceneratorëve. Mbase ka zbatuar thjesht porosinë e shefit të tij politik.
Po ashtu, ai theksoi se Këshilli i Ministrave nuk ka miratuar një vendim për autorizim e procedurave për incineratorët lidhur me projektaktin që ministria propozuese ka qarkulluar siç janë procedurat normale.
Pjesë nga dëshmia në Komision:
Tabaku: Keni ndonjë njohje me Mërtirin, Zoton dhe Gugalljan?
Agaçi: Jo!Tabaku: Nuk i keni takuar për punë?
Agaçi: Asnjëherë!
Më herët Agaci tha se nuk ka një vendimarrje të Këshillit të Ministrave për përcaktimin e fituesit të koncensionit. Përpara tij në komision dha dëshminë edhe kryebashkiaku Erion Veliaj. ©LAPSI.al
