Ka më shumë se një orë që një varg i gjatë automjetesh po presin për të hyrë në kryeqyet. Në adresën e lapsi.al kanë mbërritur foto të vargut të gjatë të automjeteve.
Burime nga policia e shtetit thanë se shkak për bllokimin nga Rinasi deri në qafën e Kasharit është bërë një aksident.
Drejtues të automjeteve konfirmuan se edhe në qafën e Kasharit, policia ka bllokuar aksin për të hyrë në autostradë duke i devijuar automjetet në rrugën dytësore.
Raportohet se edhe në autostradë ka një tjetër aksident, por policia nuk ka dhënë asnjë informacion për qytetarët. ©LAPSI.al
