Presidentja e Komisionit Europian, Ursula von der Leyen, ka paralajmëruar se Omicron mund të bëhet varianti dominues në Europë nga mesi i janarit.
“Gjatë vitit të kaluar, ne kemi punuar shumë dhe kemi arritur një marrëveshje të madhe dhe kjo është arsyeja pse Europa ka mjetet e duhura për të luftuar virusin, tha Von der Leyen”
Ajo tha se kishte “doza të mjaftueshme vaksinash për çdo europian” pasi vendet e BE-së po përpiqen të përshpejtojnë shpërndarjen e dozave përforcuesve për të ndaluar përhapjen e variantit të ri.
“Ne tani jemi të gatshëm për të prodhuar 300 milion doza të vaksinës gjatë një muaji në Europë,” tha von der Leyen.
Deri më sot, 66.6% e popullsisë së BE-së kanë marrë dy doza të një vaksine Covid-19 dhe 62 milionë kanë marrë dozën përforcuese, tha ajo, duke shtuar se prioriteti tani është rritja e shkallës së vaksinimit, përfshirë edhe fëmijët.
Ky njoftim vjen pasi Organizata Botërore e Shëndetësisë, tha në një deklaratë dje se Omicron po përhapej me ritme të shpejta dhe deri më tani ishte identifikuar në 77 vende.
