Vijon situata e trazuar në Partinë Demokratike. Kryetari Lulzim Basha ka vendosur që të largojë edhe disa sekretarëve të degëve në rrethe që nuk po i përgjigjen detyrave për mbajtjen e Kuvendit Kombëtar të thirrur prej tij në 18 dhjetor.
Pas këtij vendimi të Bashës ka reaguar Komisioni i Rithemelimit të PD, i miratuar në Kuvendin e 11 dhjetorit të thirrur nga Sali Berisha. Ky komision thotë se sekretarët duhet të injorojnë këto njoftime pa vlerë juridike.
“Kukulla e shkarkuar e Edi Ramës me 4446 vota delegatësh në Kuvendin Kombëtar të PD, ka shpërndarë sot përmes gaztorit të tij disa fletushka për “shkarkimin” e sekretarëve në disa degë të PD!
Komisioni i Rithemelimit u bën thirrje të gjithë sekretarëve të injorojnë njoftimet pa asnjë vlerë juridike të deputetit Basha dhe të vazhdojnë intensivisht punën për organizimin e referendumit në dt 18.12.2021 duke respektuar kështu vullnetin dhe misionin e Kuvendit Kombëtar si organi me i lartë vendimmarrës i Partisë Demokratike” – thuhet në deklaratën e këtij komisioni.
Në krahun tjetër Basha është i vendosur që të largojë të gjithë ata që po ndjekin rrugën e Berishës. Situata vijon të mbetet e paqartë në selinë blu. ©LAPSI.al
