Presidenti i Republikës Ilir Meta ka bërë për herë të parë një akuzë të fortë ndaj kreut të Partisë Demokratike Lulzim Basha që lidhet me marrëveshjen e kufirit detar me Greqinë të vitit 2009 që më pas u rrëzua nga Gjykata Kushtetuese.
“Po e them për herë të parë se Lulzim Basha ka bërë dopio lojë me marrëveshjen e detit me Greqinë. Ky qëndrim i tij në raport me Marrëveshjen e Detit ka pasur implikime shume serioze ne raport me shtetin shqiptar. Këtë e them për herë të parë dhe nuk dua ta zgjas me tej.
Ky zotëria nuk mund të justifikohet për të gjitha thikat që i ka futur shtetit shqiptar. Në kohën kur ai ishte ministër i jashtëm ai anashkaloi Kryeministrin për çështjen e detit. Dhe po e them këtë për herë të pare sepse po abuzohet me këtë çështje” – tha Meta në emisionin “Log” në ABC. ©LAPSI.al
