Kreu i PD Lulzim Basha ka publikur në rrjetet sociale një video nga fjala e mbajtur në seancën e fundit të Kuvendit.
“Shqipëria nuk mund të mbetet peng i askujt. Fati i shqiptarëve nuk mund të lidhet me fatin personal dhe politik të asnjë politikani, i majtë apo i djathtë qoftë!”, thekson kryedemokrati në mesazhin e tij në “Facebook”.
Në video Basha i drejtohet kryeministrit Edi Rama duke i thënë shko në foltore dhe bëni “Trekëndëshin e Bermudës” me Berishën dhe Metën.
Mesazhi i Bashës
E ke hallin ti tek Partia Demokratike?! Ke hall ti sesa demokratë mbledh unë?! Të ka marrë malli ty? Të ka marrë malli?!
Thuaj më ka marrë malli për Sali Berishën dhe për Ilir Metën, thuaje ta dëgjojnë të gjithë.
Shko dhe ti në foltore zotëri, ose fillo foltoren tënde. Bëni “Trekëndëshin e Bermudës” edhe qani hallin bashkë të tre, nëqoftëse i keni të njëjtat. Unë jam këtu për të qarë hallet e shqiptarëve, as të tuat, as të Sali Berishës, as të Ilir Metës.
