Në prag të raundit të dytë të zgjedhjeve lokale, TV Klan Macedonia mëson se Bashkimi Demokratik për Integrim dhe Partia Demokratike Shqiptare ia kanë dalë të merren vesh për mbështetje të ndërsjellë.
Në fakt, integristët e Ali Ahmetit presin përkrahjen e votuesve të PDSH-së së Menduh Thaçit në komunat ku kandidatët e BDI-së shkojnë në balotazh, si në Tearcë, Tetovë, Bogovinë, Vrapçisht, Gostivar, Strugë, Çashkë, apo edhe në Çair.
Pritet që edhe Studeniçani të drejtohet nga Azem Sadiku, 4 vitet e ardhshme. Marrëveshjen për këtë e kanë arritur këtë të diel krerët e dy partive, Ahmeti e Thaçi.
