Reshjet e dendura të shiut kanë përfshirë pothuajse të gjithë territorin e vendit që prej mbrëmjes së djeshme, duke shkaktuar problematika në qarkullimin e automjeteve në disa akse rrugore.
Pastrim i rrugeve
Autoritetit Rrugor Shqiptar bën me dije përmes një postimi në facebook, se pikat e nxehta ku ka patur rënie inertesh dhe probleme në qarkullim, janë në zonën e Poçemit, Gjirokastrës, Sarandës dhe në zonën e Murrashit në aksin Elbasan-Librazhd.
ARRSh thekson gjithashtu se është bërë pastrimi i këtyre akseve, ndërkohë që apelon drejtuesit e mjeteve që të reduktojnë shpejtësinë për shkak të lagështirës në rrugë.
