Sherri i mëngjesit të sotëm përballë gjimnazit ‘Anton Zako Çajupi’ nisi në një mëngjesore. Ishin dy mësuese ato që u përfshinë fillimisht në konflikt e më pas u përfshinë dhe familjarët e tyre. Përplasja ka qenë verbale fillimisht, por më pas personat në fjalë nisën që të konfliktoheshin me sende të forta dhe për pasojë 4 prej tyre përfunduan me lëndime në spital.
Përplasja fizike mes banorëve ka zgjatur për disa minuta dhe pas ndërhyrjes së policisë është ndalur përshkallëzimi i situatës. Të plagosur gjatë përplasjes me sende të forta kanë mbetur 4 persona, ndërsa në komisariat janë shoqëruar 2 të tjerë.
