Vijon të jetë aktiv zjarri në Parkun Kombëtar të Prespës, që është edhe një zonë e mbrojtur.
Ajo çfarë dihet deri në këto momente është se në terren janë më shumë se 5 mjete zjarrfikëse, ndërkohë që është ndërhyrë edhe nga ajri.
Në zonë po ndërhyjnë punonjës të ADZM, punonjës të shërbimeve publike e dhjetëra zjarrfikëse.
Zjarri, i cili ka rënë në kufi me Greqinë, ka agravuar edhe më tej, për shkak të erës, ndërkohë që po ndërhyhet edhe nga Greqia me mjete zjarrfikëse e gjithashtu ndërhyrja është mundësuar edhe nga ajri nga bashkia greke e Prespës.
Drejt zonës së Prespës janë nisur forcat e armatosura po ashtu dhe zjarrfikëse të tjera të qarkut të Korçës.
