18-vjeçarja Marigona Osmani kishte vdekur 24 orë para se të dërgohej në spitalin e Ferizajt nga bashkëjetuesi i saj Dardan Krivaqa dhe një miku i tij. E reja u dhunua barbarisht nga Krivaqa derisa humbi jetën. Informacioni u dha nga Nazlie Balaj, këshilltare në Ministrinë e Drejtësisë.
“Sipas informatave që kemi ne si Ministri e Drejtësisë në të cilën është edhe Instituti i Mjekësisë Ligjore rasti i M. është politraumë ku për 2 ditë radhazi, sipas gjithmonë informacioneve, është ushtruar dhunë dhe që e ndjera ka vdekur 24 orë përpara para se të dërgohej nga të dy të dyshuarit në spitalin e Ferizajt”, - tha Balaj në ATV.
Balaj tha se është skandaloze deklarata e gjykatësit kur tha se dyshimet kryesore për vrasjen e 18-vjeçares kanë të bëjnë me xhelozinë ende pa u mbyllur hetimet.
Gjykata Themelore në Ferizaj me anë të një komunikate për mediat njoftoi se arsyet që çuan deri tek vdekja e 18-vjeçares janë se i dyshuari për vrasje dyshonte se vajza po e tradhtonte me djalin e dajës së tij. ©LAPSI.al
