Shtohen shifrat e të infektuarve në vendin tonë. Në 24 orët e fundit janë 658 persona që rezultuan pozitivë, ndërsa dy pacientë kanë ndërruar jetë në spitale. Pavarësisht alarmit që vjen nga shifrat e pandemisë, si pasojë e qarkullimit të variantit Delta, vendi vazhdon të jetë në normalitet, me festime masive dhe asnjë rregull për mbrojtjen nga covid. Ndërkohë që vala e katërt e covid në vendin tonë mund të thuhet se ka nisur tashmë, nuk ka asnjë ekspert të pandemisë nga të Komitetit Teknik që të ngrejë zërin për masa më të rrepta parandaluese.
Aktualisht janë 5129 pacientë aktivë me COVID19 në të gjithë vendin.
Në Spitalin Infektiv po marrin trajtim 73 pacientë. Në 24 orët e fundit kanë ndërruar jetë 2 qytetarë: një qytetar 64 vjeç nga Tirana dhe një qytetar 84 vjeç nga Durrësi. Ministria e Shëndetësisë dhe Mbrojtjes Sociale u shpreh ngushëllimet familjarëve. Janë shëruar 142 qytetarë gjatë 24 orëve të fundit, duke e çuar numrin e të shëruarve në 131,184 që nga fillimi i epidemisë.
Statistika (21 Gusht 2021)
Raste të reja ditore 658
Të shëruar në 24 orë 142
Të shtruar në spitale 73
Humbje jete në 24 orë 2
Testime ditore 6527
Testime totale 992,232
Raste pozitive 138,790
Raste të shëruara 131,184
Raste Aktive 5129
Humbje jete 2,477
Shpërndarja gjeografike e rasteve aktive sipas qarqeve:
Tiranë 1977
Shkodër 843
Vlorë 482
Fier 436
Durrës 305
Elbasan 251
Lezhë 238
Berat 177
Gjirokastër 157
Korçë 106
Kukës 92
Dibër 65
