Një çift francez kanë humbur në zonën e pyllëzuar në fshatin turistik të Llogarasë. Ata kanë lëshuar sinjalin SOS ditën e sotme.
Menjëherë policia është vënë në kërkim për gjetjem dhe shpëtimin e tyre, teksa kontrollet po bëhen nga toka, me dronë dhe nga deti me gomone.
Ata janë nisur në mëngjes nga Llogaraja për të dalë në Karaburun dhe në gjirin e Gramës.
Aktualisht në terren janë dy grupe punonjësish që po kërkojnë, por se nuk është hera e parë që turistët humbasin në këtë zonë.
Më tepër se 1 muaj më parë sërish një grup turistësh humbën në këtë zonë, por u gjetën më pas nga ana e efektivëve të policisë.
