Ish-komandanti serbo-boshnjak, Ratko Mlladiç, u dënua përfundimisht me burgim të përjetshëmka prej Gjykatës së Hagës, pas përballjes me akuzat për gjenocid, krime lufte dhe krime kundër njerëzimit, 26 vjet pas masakrës së Srebenicës. 78-vjeçari Mladiç, i ashtuquajturi Kasapi i Bosnjës është shfaqur i qetë para togave të zeza, madje në disa momente i ka buzëqeshur dhe kamerave që kishin në sallë për ta filmuar.
Për shkak të masave të marra ndaj pandemisë së koronavirusit, nga 5 gjykatës kishin në “duar” çështjen e tij, vetëm një ka qenë prezent në sallë, ndërsa të tjerët kanë ndjekur gjithçka online. Të gjithë kanë vendosur që të lënë në fuqi vendimin e dhënë në vitin 2017, gjithashtu për burg përjetë.
Masakra në enklavën që supozohej të ishte nën proteksionin e OKB-së ishte mizoria më e madhe në Evropë që pas përfundimit të Luftës së Dytë Botërore.
Ende nuk dihet se ku do ta mbajë pjesën e mbetur të dënimit Mladiç.
Kryetari i trupit gjykues tha se largimi i civilëve nga Srebrenica ishte i paligjshëm dhe se dhoma gjyqësore nuk ka marrë parasysh prova të tilla si “policia serbe e Bosnjës që nuk ishte nën komandën e tij”.
Gjyqi i tij ka filluar para gjykatës së krimeve të luftës në Hagë në 2012. Ajo e dënoi atë me burgim të përjetshëm në nëntor të 2017-ës.
Mlladiç është shpallur fajtor për gjenocidin e boshnjakëve në Srebrenicë në 1995-ën.
Ai akuzohet për përndjekjen e boshnjakëve dhe kroatëve në të gjithë Bosnjën, duke terrorizuar popullsinë e Sarajevës gjatë rrethimit të qytetit dhe duke marrë peng paqeruajtësit e OKB-së.
Mbrojtja apeloi vendimin në gusht të këtij viti, duke kërkuar një pafajësi për të gjitha pikat, një rigjykim ose një dënim të reduktuar për Mlladiç.
Prokuroria gjithashtu ka bërë thirrje që Mlladiç të shpallet fajtor për gjenocid në pesë komuna të tjera në 1992.
Djali i Ratko Mlladiç ka reaguar për vendimin që iu dha babait të tij nga gjykata e Hagës. Darko Mladiç është shprehur për mediat se e rëndësishme për të është që babi i tij të jetë mirë e të takohen vazhdimisht. Ai e ka qujtur çështjen që u zhvillua sot një cirk pasi gjyqtarët nuk u morën shumë me çështjen dhe e vetmja pikë e ndritshme në gjyq për të është mendimi original i gjyqtarit Naymba.
Ai lindi në vitin 1943 në fshatin Božanovići afër Kalinovik, në Bosnjë dhe Hercegovinë. Ai u diplomua nga akademia ushtarake në Beograd dhe shërbeu në Maqedoni dhe Prishtinë. Ai mori komandën në Knin në 1991, një vit më vonë në Sarajevë. Ai ishte gjithashtu komandant i Ushtrisë së Republika Srpska nga 1992 në 1996. Mlladiç mbahet përgjegjës për udhëheqjen e një fushate të pamëshirshme të spastrimit etnik që kishte për qëllim vrasjen ose ndjekjen e joserbëve nga territory boshnjak gjatë luftës 1992-95. Më shumë se 100 mijë njerëz vdiqën në këtë konflikt. Në korrik të vitit 1995, trupat e Mlladiçit pushtuan qytetin e Srebrenicës, që ishte shpallur zonë e sigurt e Kombeve të Bashkuara. Fillimisht, ushtarët e Mlladiçit shpërndan çokollata dhe u përpoqën të qetësonin turmat e refugjatëve boshnjakë, më pas ushtruan terrorr.
Pas luftës, Mlladiç u strehua nga serbët, që e konsideronin atë si një hero. Ai u arrestua nga forcat special të policisë serbe më 2011 në fshatin Llazarevo në veri të Serbisë. Pas presionit të madh ndërkombëtar, Serbia ekstradoi Mlladiçin në Hagë për t’u përballur me drejtësinë. Herën e parë që ai doli në Gjykatë, Mlladiq nuk shfaqi pendesë, madje kërcënoi nënën e një viktime të Srebrenicës që ishte në sallë, duke i bërë gjestin e prerjes së fytit
“Unë nuk kam marr pjesë në asnjë krim. Unë vetëm kam mbrojtur njerëzit e mi,”-thoshte ai. Ndërsa para se të shkonte në paraburgim, shprehur 4 dëshira: të hante luleshtrudhe; një televizor në qeli; një libër të Tolstoy-t dhe të vizitonte varrin e të bijës.
