Nuk kanë të ndalur lëkundjet e tokës në Greqi ditën e sotme, duek krijuar jo pak panik te qytetarët. I fundit është regjistruar me magnitudë 5.2 afër Larisas.
Ndërkohë, tërmeti më i fuqishëm ishte ai me magnitudë 5.9 të shkallës Rihter paraditen e sotme, që u ndje edhe në vendin tonë.
Tërmeti ka qenë në një thellësi lokale prej 10 km, ndërsa është ndjerë për disa sekonda nga qytetarët, të cilët kanë dalë të tmerruar në ambiente të hapura.
Dridhja u ndje po ashtu në Athinë dhe pjesë të tjera të Greqisë Perëndimore, kohëzgjatja e tërmetit ishte mjaft e gjatë.
Pas lëkundjes së fortë të regjistruar rreth 3 orë më parë, janë regjistruar edhe shumë pasgoditje të tjera.
Deri tani nuk ka raportime për viktima apo të lënduar, por njerëzit në Larisa kanë mbushur rrugët, duke lënë banesat dhe shtëpitë.
