Autoritetet shëndetësore në Itali është kanë identifikuar një variant të ri të Covid-19 që nuk ishte parë asnjëherë më parë. Varianti i ri quhet B.1.525 dhe mendohet se e ka origjinën në Nigeri, por tashmë është identifikuar në vende të tjera, përfshirë Britaninë e Madhe, Danimarkën dhe Shtetet e Bashkuara.
Varianti u gjet në një person që që po kthehej nga një udhëtim në Afrikë. Autoritetet thanë se deri tani janë identifikuar vetëm 100 raste të këtij varianti në disa vende evropiane dhe afrikane, por edhe në Shtetet e Bashkuara.
Varianti B.1.525 ka disa ngjashmëri me variantin anglez, por ngjan edhe me një mutacion, "të keq", E484K që gjithashtu është i pranishëm në variantin brazilian dhe atë Afrikës së Jugut. Ajo që e karakterizon variantin e ri është se ai ka aftësinë të shpëtojë nga antitrupat dhe të dobësojë vaksinat.
Varianti B.1.525 u zbulua për herë të parë në Mbretërinë e Bashkuar në mes të dhjetorit dhe tashmë është përhapur në 14 vende. Rasti i parë lidhej me një udhëtim në Nigeri, ku 12 nga 51 mostrat e virusit të analizuar (24%) paraqitën mutantin e ri.
Karakteristikat e këtij varianti nuk dihen, por mund të jetë më i transmetueshëm dhe ndoshta më vdekjeprurës. Deri tani dihet se vetëm se Moderna, Pfizer dhe AstraZeneca janë po aq efektive kundër variantit anglez, por AstraZeneca ka pasur probleme me variantin e Afrikës së Jugut. ©LAPSI.al
