Një 52-vjeçar është gjetur i pajetë këtë të enjte në Sarandë. Ngjarja ka ndodhur në orët e para të mëngjesit në hyrje të rrugës Turizëm-Kanali i Cukës. Ka qenë vetë policia që ka bërë me dije se shtetasi me iniciale A.Gj. është gjetur i pajetë në rrugë në lagjen Nr.1”, në Sarandë. Ishin kalimtarët në rrugë që njoftuan policinë dhe ambulancën e cila bëri transportimin e tij në morgun e spitalit.
Paraprakisht në trupin e tij nuk janë konstatuar shenja dhune apo dëmtime të tjera dhe dyshohet se 52 vjeçari mund të ketë humbur jetën për shkaqe natyrale.
