Kohët e fundit është folur kaq shumë për zgjedhjet presidenciale të SHBA-së dhe pas fitores së Biden, u mendua se nuk do të dëgjohej më për një fushatë Trump, por kjo nuk zgjati shumë.Sipas New York Times, Lara Trump po konsideron të kandidojë për Senatin e SHBA-së në vitin 2022.Lara, është gruaja e djalit të ish-presidentit, Eric Trump, me të cilin ajo ka dy fëmijë.Znj. Trump është një ish-producente amerikane, trajnere personale dhe këshilltare e fushatës së presidentit të 45-të të Shteteve të Bashkuara.NY Times raporton se Lara ka si synim të zërë vendin e njërit prej senatorëve që planifikohet të dalë në pension në fund të mandatit të tij, Richard Burr.Edhe Lara Trump është një ndër njerëzit që ka folur me bindje dhe besueshmëri për pretendimet e pabazuara të vjehrrit të saj në lidhje me manipulimin e votave.
“Ajo është shumë karizmatike. E kupton mirë politikën dhe ka një instikt natyror për të bërë politikë. Në fakt, asnjë Trump-i s’i mungojnë këto tipare”, thotë Mercedes Schlapp, një këshilltar i fushatës së Trump për New York Times.
