Rap-artistja nga Istogu, Rina Balaj, sonte (e premte) do të publikojë këngën e re të titulluar “Zjarr”.
Projekti pritet të prezantohet para publikut sonte në ora 21:00 dhe pak para lansimit janë publikuar disa pamje të reja të klipit. Reperja, e cila në Instagram numëron 230 mijë ndjekës, këtë herë solli një fotografi tërheqëse nga prapaskenat e videoklipit. Për këtë video, ajo zgjodhi të transformohet në flokë ngjyrë portokalli dhe me një pamje tërësisht ndryshe. Pamja e Rinës u komplimentua tejet shumë nga ndjekësit dhe miqtë që mban në Instagram, duke u cilësuar si një artiste me stil të veçantë.
