I dërguari i posaçëm i Departamentit Amerikan të Shtetit (DASH) për Ballkanin, Matthew Palmer, gjatë takimit me student dhe përfaqësues të shoqërisë civile në Prishtinë, ka folur edhe për Reformën në Drejtësi, për të cilën tha se: pas një pune të vështirë, Shqipëria është në prag të ngritjes së një zyre speciale të anti-korrupsionit dhe një Byroje Kombëtare të Hetimit.
“Fakti që më pak se 50% e mbi 160 gjykatësve dhe prokurorëve që i janë nënshtruar vetingut kanë arritur ta kalojnë atë është tregues se sa i korruptuar dhe i lidhur me krimin e organizuar ka qënë sistemi i deritanishëm. Shqipëria është në prag të ngritjes së institucioneve të reja, si Prokurorisë Speciale Anti-korrupsion (SPAK) dhe Byroja Kombëtare e Heitimit, detyra e të cilave do të jetë të hetojnë korrupsionin, krimin e organizuar dhe krimet e zyrtarëve të lartë. Ky është fundi i fillimit të pandëshkueshmërisë, siç u vërtetua edhe nga goditja e bosëve dikur të paprekshëm të krimit, si Klement Balili”, ka komunikuar Palmer.
