Durrësi nuk gjen qetësi nga përplasja mes bandave kriminale. Sot pasdite tek mbikalimi i Shkozetit i është bërë atentat prokurorit Arjan Ndoja. Nga të dhënat e para raportohet për një person të vdekur dhe dy të plagosur. Mes të plagosurve është edhe një femër.
Lapsi.al sjell foto të automjetit të prokurorit, ku duken shenjat e plumbave. Ndaj tij është qëlluar 8 herë me armë automatike kallashnikov. Ndoja ishte në makinë edhe me dy persona të tjerë, mes tyre një femër. Prokurori është transportuar në spitalin e Durrësit, ku ndodhet jashtë rrezikut për jetën.
Ndërkohë që s'ka ende të dhëna për personat e tjerë. Arjan Ndoja është sulmuar para disa javësh nga kryeministri Rama dhe zv.kryeministri Erion Brace lidhur me cështjen e Kadastrës së Durrësit. Sipas Ramës ky prokuror i shërben krimit të organizuar.
©LAPSI.al
