Dalin pamjet e para të momentit pak pas atentatit ndaj prokurorit të Durrësit, Arjan Ndoja. Jeta Osh Qef publikon një video kur të plagosurit nxiren nga makina. Prokurori shoqërohej nga dy persona të tjerë. Policia ka dhënë disa detaje për ngjarjen e ndodhur pasditen e sotme në mbikalimin e Shkozetit.
Njoftimi i policise
Ne aksin rrugor Durrës – Tiranë në afërsi të mbikalimit të Shkozetit, rreth orës 16:30, në afërsi të vendit të quajtur “Mbikalimi i Shkozetit” kanë qëlluar me armë zjarri në drejtim të mjetit me targa AA 333 ZD, e për pasojë janë plagosur shtetasit A.L., 48 vjeç, A.N., 44 vjeç dhe A.M., 30 vjeç.
Shtetasi A.M. është nisur për mjekim të specializuar në Spitalin e Traumës në Tiranë, ndërsa dy shtetasit e tjerë ndodhen në Spitalin Rajonal Durrës, jashtë rrezikut për jetën.
Policia e Durrësit është vënë në ndjekje të autorëve, po krihet zona dhe në të gjitha akset rrugore që lidhen me Durrësin janë ngritur pika kontrolli.
Për zbardhjen e ngjarjes është ngritur menjëherë një grup i posaçëm hetimor nga Departamenti i Policisë Kriminale, Prokuroria e Rrethit Gjyqësor Durrës dhe Drejtoria Vendore e Policisë Durrës.
Policia e Shtetit fton këdo që mund të ofrojë informacion në ndihmë të hetimit të shpejtë të ngjarjes të telefonojë falas në numrin 112.
EKSKLUZIVE/ Momenti kur prokurori Arjan Ndoja nxirret i gjakosur nga "Benzi" pasi e qëlluan on Vidnews.
