Ditën e sotme gjykata Administrative e Apelit ka rrëzuar pretendimin e bashkisë së Tiranës për të marrë në pronësi kopshtin botanik.
Sipas Universitetit të Tiranës ajo pronë i përket tyre dhe pretendimet e bashkisë janë të padrejta duke shkelur Ligjin e Arsimit të Lartë.
Seanca zgjati rreth 40 minuta, dhe Gjykata ka ardhur në përfundim që kërkesa e Universitetit ka qenë e drejtë.
Bashkia, së bashku me Ministrinë e Arsimit dhe Avokaturën e Shtetit pretendonin se rektori Koni nuk kishte kompetencë në këtë pikë, por teza e Universitetit që Parku Botanik nuk është thjesht një pronë por një aset i domosdoshëm për studimet akademike është pranuar si e vlefshme nga Gjykata.
