Deputeti Kujtim Gjuzi ka publikuar mesazhet kërcënuese që sipas tij ia ka dërguar kryeministrit Edi Rama për shkak të veshjes së tij. Kreu i Partisë Konservatore i kishte shkruar se po bënte një gabim të madh.
“Shih ulësen e Kuvendit dhe mos më ço mu mesazhe të tilla se është turp për një burrë me mustaqe për ty të bëjë palaçon. Nëse vjen edhe njëherë i veshur si **** (s’më bën goja ta them fjalën) jo vetëm si LGBT, më ka thënë një fjalë tjetër do të të nxjerr zvarrë nga Parlamenti”. Dhe unë kisha veshur vetëm një xhakovendo, kisha xhinse po” – tha Gjuzi në Report TV.
Më pas Gjuzi ka zbardhur edhe mesazhin që ai i kishte dërguar si kundër-përgjigje.
“Edo nëse ky është numri juaj, ju keni bërë një gabim të rëndë që keni kërcënuar deputetin e Kuvendit të Shqipërisë. Kujdes se mua nuk më pika-pika.”
Pas mesazheve, Gjuzi ka rikontaktuar Ramën pasi sipas tij numri kishte dalë në emër të tij por në fund shprehet se pret verdiktin final nga Prokuroria.
“Shiko mos ka tallur dikush ndenjësen me ty. Unë kërkova në sistem dhe rezultonte në emër të tij. Tani do ta gjej Prokuroria dhe Arta Marku. Ndoshta ia ka lënë telefonin me mirëbesim. Këtë nuk do ta gjej unë, por Prokuroria. Kam 10 ditë që kam dorëzuar kallëzimin penal. Do të ta jap ta lexosh mesazhin dhe nëse nuk është kështu unë do të jap dorëheqjen,” - tha Gjuzi.
Disa javë më parë deputeti i opozitës u shfaq në Kuvend në versionin “sport” i veshur me një këmishë dhe me xhinse. Menjëherë pas kritikës së bërë nga kryeparlamentari Gramoz Ruçi, Gjuzi shkoi të ndërrohej duke riveshur kostumin e tij. ©LAPSI.al
