Gjykata e Korçës ka dhënë sot vendimin për dy të akuzuarit e vrasjes për pazaret e drogës Spiro Xholi dhe David Myrte. Prokuroria e Korçës kërkoi 18 vite burg për Myrten dhe 18 vite për Xholin por Gjykata ka vendosur t’i dënojë përkatësisht me 14 dhe 17 vite.
Dy të pandehurit akuzohen për vrasjen e 42-vjeçarit Zarif Alliu me mjete të forta. E gjithë ngjarja ka ndodhur në fshatin Bracajn të Devollit, në 18 mars të vitit 2017 pas një konflikti për prishjen e pazareve të drogës. Sipas hetimeve të prokurorisë një nga autorët i kishte viktimës Alliu 12 mijë euro borxh për transportin e drogës nga kufiri i gjelbër.
