Një i ri shqiptar është gjetur i vdekur në banesën e tij në Britaninë e Madhe.
Viktima është Serxhio Marku, 26 vjeç, i cili fillimisht u gjet i plagosur në mënyrë kritike nga oficerët në një banesë në katin e parë në Stafford Road javën e kaluar.
Ai vdiq gjatë rrugës për në Spitalin e Qarkut Royal Sussex në orët e para të mëngjesit të së mërkurës.
Detektivët që hetojnë një vrasje të dyshuar kanë bërë apel për informacione rreth viktimës. Ndërsa dy burrat e akuzuar për vrasjen e tij u paraqitën para gjykatës në Lewes Crown, zyrtarët ende nuk dinë për lëvizjet e Z. Marku në Brighton dhe Hove.
Shumica e familjes së tij, të cilët janë informuar për vdekjen, janë shqiptarë, shkruajnë mediat britanike. Sot, Francesco D’Agostino, 44 vjeç, punëtor kuzhine dhe banues Brighton dhe Giuseppe Petriccione, 45 vjeç, shtetas italian pa adresë fikse, u paraqitën në gjykatë të akuzuar për vrasjen e Z. Marku. Tani policia po i rikthehet hetimeve për të kuptuar më shumë rreth Z. Marku dhe atë që bënte këtu.
Kryeinspektori Alex Geldart tha: “Unë jam veçanërisht i interesuar të mësoj për miqtë e Serxhio në zonën e Brighton pasi ne dimë shumë pak për të dhe duam të zbulojmë se ku jetonte dhe më kë shoqërohej”.
“Ne besojmë se ai mund të ketë udhëtuar nga qyteti në zonën e Seven Dials, dhe ndoshta për në Stafford Road, me taksi gjatë mbrëmjes para se të sulmohej.
Ai mund të ketë qenë me dy burra të tjerë dhe ne do të donim të dëgjonim dëshminë nga shoferi i taksisë.
Oficerët specialë të ndërlidhjes po mbështesin familjen e Serxhiod, i cili është kryesisht në Shqipëri, dhe mendimet tona janë me ta dhe miqtë e tij.
Unë i bëj thirrje kujtdo që ka informacione rreth ngjarjes, të raportojë”, theksoi ai.
