Ndërkohë që protestuesit e opozitës po manifestojnë dhe përplasen me policinë para bibliotekës së Universitetit ku po mbahet konsituimi i këshillit Bashkiak të Shkodrës, brenda në sallë, punimet e këshilltarëve që janë vetëm socialistë dhe aleatët të tyre po i mbikqyr edhe deputeti Tom Doshi. Doshi është rikthyer në rangun e paër të miqve të Edi Ramës, që kur tensioni politik në vend është rritur. Ai u pa përkrah kryeministrit edhe para takimit elektoral në qytetin verior, kur Rama do të prezantonte kandidatin e përbashkët, Valdrin Pjetri, ndërkohë që opozita kishte kërcënuar se do ta prishte këtë takim. Prej kësaj dite influenca e Doshit në strukturat drejtuese të rilindjes në Shkodër është rritur ndjeshëm.
©Lapsi.al
