Disa të rinj të Shkodrës, perkrahes te PD rrethuan Bibliotekën e Universitetit, ku socialistët janë thirrur të konstituojnë Këshillin Bashkia. Me një akt simbolik ata vendosvn një shirit të verdhë, nga ata që përdor policia në skenat e krimit.
Të rinjtë kanë deklaruar se është krim, skenari i qeverisë që detyron Këshillin e ri Bashkiak të Shkodrës të shpallë mbarimin e mandatit të kryebashkiakes Voltana Ademi dhe të bëjë zëvendësimin e saj me një nga nënkryetarët.
Për Panorama vetë Ademi deklaroi: "Një Këshill Bashkiak ilegjitim, pa zgjedhje kushtetuese, në një mbledhje antikushtetuese, e thirrur jashtë afateve ligjore, me rend dite jo sipas përcaktimit ligjor, nuk mundet të uzurpojë institucionin e bashkisë, nuk mund të tjetërsojë në asnjë rast vullnetin që shkodranët kërkojnë ta ushtrojnë përmes zgjedhjes së rregullt, të shprehur me votë të drejtpërdrejtë.
Neni 60 pika 4 e Ligjit për Qeverisjen Vendore shkruan:‘Ushtrimi i mandatit të kryetarit të bashkisë fillon në çastin kur bën betimin dhe përfundon kur bën betimin kryetari pasardhës.’
