Kryeministri në dorëheqje i Kosovës, Ramush Haradinaj dorëzoi sot në Kuvend zyrtarisht letrën e dorëheqjes.
Sipas një njoftimi nga zyra për media e Kuvendit, thuhet se “letra e dorëheqjes u është proceduar menjëherë anëtarëve të Kryesisë së Kuvendit dhe kryetarëve të grupeve parlamentare”.
Ndërkohë, nga Zyra e Haradinajt ende nuk është bërë e ditur nëse e njëjta letër i është dorëzuar edhe Presidentit të Kosovës.
Kryeministri i Kosovës, Ramush Haradinaj, ka dhënë dorëheqje të premten nga pozita që ka pasi ka marrë ftesë për intervistim nga Gjykata Speciale në Hagë, në cilësinë e të dyshuarit.
Në një intervistë për Radion Evropa e Lirë, Haradinaj tha se zgjedhjet do të mbahen brenda 2 muajsh.
