Në 3 bashki, përkatësisht në Tiranë, Durrës dhe Shkodër, vijon ende numërimi, ndërsa në 58 bashki ka përfunduar procesi i numërimit të votave dhe është shpallur fituesi i votimeve lokale.
Bëhet fjalë për bashkitë Divjakë, Pustec, Memaliaj, Fushë-Arrëz, Konispol, Libohovë, Kolonjë, Belsh, Himarë, Roskovec, Poliçan, Vorë, Lushnje, Skrapar, Prrenjas, Mallakastër, Malësi e Madhe, Pukë, Ura Vajgurora, Librazhdi, Gramshi, Tropoja, Selenicë, Has, Kavajë, Patos, Bulqizë, Delvinë, Kukës, Korçë, Fier, Vlorë, Peqin, Mirditë, Shijak, Kurbin, Kamëz, Rrogozhinë, Berat, Kuçovë, Këlcyrë, Dibër, Klos, Mat, Maliq, Tepelenë, Krujë, Cërrik, Përmet, Gjirokastër, Dropull, Lezhë, Elbasan, Finiq, Sarandë.
Nga të gjitha rezultatet e deritanishme fituese është shpallur Partia Socialiste, e cila garonte e vetme në zgjedhjet e 30 qershorit.
Kujtojmë se nga të dhënat zyrtare të publikuara nga Komisioni Qendror i Zgjedhjeve në të gjithë territorin e Shqipërisë më 30 qershor votuan 771 863 qytetarë apo e përkthyer në përqindje në 21.6%.
