Candice Swanepoel ka konfirmuar se është në pritje të fëmijës së dytë. Ylli i “Victoria’s Secret” ka përdorur llogarinë e saj të “Instagram”-it për të zbuluar këtë lajm special. Bukuroshja është gjithashtu nënë e një djali, Anaca, me të fejuarin Hermann Nicoli, të cilin e solli në jetë tetorin e kaluar.
“Krishtlindja erdhi më herët”, ka shkruar bashkangjitur fotos së postuar në “Instagram” modelja e famshme. Në foton e publikuar, 29-vjeçarja shihet teksa përkëdhel barkun e rrumbullakët, i cili tregon se ajo është disa muajshe shtatzënë.
