“Këtë herë, Belen e ekzagjeroi më tepër se ç’duhet”, shkruan “Oggi”, që e publikoi foton në faqen e parë të revistës.
“Belen nget një motor krosi, me një trajner të shkëlqyer: partnerin Andrea Iannone”, shkruan media italine, “Sa keq që e nget pa skafandër. Pa skafandër është edhe i biri Santiago, të cilin, mamaja e shkujdesur e ka ulur përpara.”
Përpos spekulimeve se a do të shkaktojë kjo një sherr mes Belen-it dhe babait të Santiagos së vogël, Stefano del Martino, “Oggi” shkruan se në këtë zonë, ligji i gjobëvënies nuk mund të hyjë, sepse është hapësirë private.
Megjithatë, Belen po gjykohet ashpër (përsëri), sepse shumë njerëz e akuzojnë se po i rrezikon jetën të birit.
