Para disa ditësh u përhap lajmi se Dua Lipa i kishte dhënë fund lidhjes dy vjeçare me modelin dhe kuzhinierin britanik, Isaac Carew. Këtë fakt këngëtarja shqiptare e ka pranuar edhe në një prej intervistave të fundit.
Dua ka thënë se këto kohë fokusi i saj është muzika, duke lënë të kuptohet se ndarja nga i dashur ka ardhur si pasojë e agjendës së ngjeshur muzikore.
Menjëherë pas lajmit të ndarjes, mediat britanike kanë spekuluar për ekzistencën e një mashkulli të ri në jetën e shqiptares.
“The Sun” ngre dyshime se Dua mund të jetë duke filluar një lidhje me ish anëtarin e One Direction, Harry Styles. Afrimin e tyre e ka përforcuar edhe një foto e shkrepur në dhjetor të vitit të kaluar kur dyshja janë parë në shoqërinë e njëri-tjetrit.
Megjithatë kujtojmë se Dua me Harryn njihen prej shumë kohësh, madje ky i fundit në vitin 2013 ka publikuar një video me Dua Lipën ku ka përshëndetur motrën e saj Rina.
