Këngëtarja Beatrix Ramosaj ka qënë e ftuar në ‘Prive’ ku ka folur për pjesëmarrjen e saj në spektaklin ‘Your Face Sounds Familiar 2’ dhe projektet e reja muzikore. Por, përveç jetës profesionale ajo ka rrëfyer edhe për atë sentimentale, konkretisht për ndarjen nga i dashuri i dy viteve Ervi Cenolli e cila bëri shumë bujë duke qënë se ata e ekspozonin vazhdimisht lidhjen e tyre.
“Ai ma ka ditur vlerën dhe më ka mbështetur shumë. Më ka motivuar për projektet që kam sjellë. E vlerësoj për ato vite që ka qenë pjesë e jetës sime. Gjithçka e ka një fund, edhe pse unë jam rritur me idenë e pafundësisë, por që në jetën reale ndodh ndryshe. Erdhi momenti që thashë: Beatrix, zgjohu, kjo është jeta! Gjithçka e ka kufirin e vet”,- ka rrëfyer këngëtarja në kët ëintervistë të sinqertë teksa edhe është përlotur.
Dyshja është shfaqur publikisht edhe në televizion gjatë njërës prej netëve të ‘Dancing With the Stars” ku këngëtarja merrte pjesë.
