Një video e publikuar nga Daily Mail tregon momentin e tmerrshëm kur djali i një miliarderi grek vdes gjatë shpërthimit të makinës së tij Porsche.
Iorgos Vakakis ishte duke udhëtuar në autostradën që lidh Delphin me qytetin e Athinës në momentin kur humbi kontrollin e makinës dhe goditi një ndërtesë të lartë. Si pasojë e goditjes, makina shpërtheu dhe katër persona mbetën të vdekur.
Midis tyre, shoferi Vakakis, pasagjeri i tij si dhe një grua 33-vjeçare dhe djali i saj. Këta dy të fundit ndodheshin në makinën e parkuar pranë ndërtesës në momentin e ngjarjes.
Vakakis është djali i Apostolos Vakakis, pronari i një rrjeti të gjerë dyqanesh lodra për fëmijë që operon dhe në vendin tonë.
